دیامیر۔1نومبر (اے پی پی)وزیر اعظم عمران خان آکھیا جو دیامیر بھاشا ڈیم ملک سانگے اہم ترین منصوبہ اے،ڈیم توں پاݨی اتے بجلی دے علاوہ تربیلہ ڈیم دی معیاد وی ودھ ویسی اتے روزگار دے موقع ملسن اتے معیشت ٹک ویسی۔وزیراعظم آفس دے میڈیا ونگ ولوں جاری بیان دے مطابق اے ڳالھیں انہاں دیامیر بھاشا ڈیم سائٹ دے دورہ اتے کارکناں نال ڳالھ مہاڑ کریندیں ہوئیں آکھی۔چیرمین واپڈا لیفٹیننٹ جنرل (ر) مزمل حسین وزیراعظم کوں جاری کم بارے بریفنگ ݙتی ۔وزیراعظم ڈیم تے جاری کم دا جائزہ ڳھدا تے کم کرݨ آلے کارکناں نال ڳالھ مہاڑ وی کیتی ۔
