اسلام آباد۔17نومبر(اے پی پی)بنگلہ دیش دے اوپننگ بلے باز تمیم اقبال آکھیے جو مختلف حالات دے باوجود پاکستان آتے ٻہون چنڳاں لگے جتھاں کرکٹ دی وݙی قدر اے۔ تمیم اقبال پاکستان سپر لیگ اچ لاہور قلندرز دے پلیئر ہین۔ انہاں آکھیے جو کرونا پاروں کتھائیں سیر کیتے نئیں ونڄ سڳیے بھل قانون دی پابندی وی لازم اے۔ ہک انٹرویو اچ انہاں آکھیے جو پی ایس ایل اچ ایں واری لاہور قلندرز دی بہترین کارکردگی رہی اے،ساݙی بولنگ چنقی اے اتے بیٹسمیناں وی چنڳاں کردارادا کیتے۔ انہاں آکھیے جو میدان اچ تماشایاں دے بغیر کھیݙݨ اوکھا اے کیوں جو داد نئیں ملدی، چنڳی گالھ اے جو کرونا اچ لوکاں کوں میدان اچ نہ سہی گھر بیھ تے ٹی وی تے تاں کرکٹ ݙیکھݨ کؤں ملدی پئی اے۔
