اسلام آباد۔23نومبر(اے پی پی)وزیراعظم دے مشیرخزانہ ومحصولات ڈاکٹرعبدالحفیظ شیخ صوبائی حکومتاں اتے سارے متعلقہ حکام کوں قیمتاں اچ ودھارا مکاوݨ کیتے اقدامات دی ہدایت کریندے صوبائی حکومتاں دے نمائندیاں کوں ہول سیل اتے پرچون دی سطح تے منافعے دی شرح اچ ڳھٹکی ڳھن تے آوݨ سودھا اشیاء ضروریہ کوں مناسب نرخاں تےعام لوکاں تئیں ݙیوݨ دی مکمل نگرانی دی ہدایت وی کیتی۔ انہاں اے ڳالھ نیشنل پرائس مانیٹرنگ کمیٹی دے اجلاس دی صدارت کریندے ہوئیں آکھی۔ اجلاس اچ اٹا، کݨک، کھنڈ، ٹماٹر، وسل،بناسپتی ڳھیو، آلو،گوشت اتے ٻئی ضروری اشیا دی قیمتاں داہفتہ وارجائزہ ڳھدا ڳئے۔ چیف سیکرٹری پنجاب مختلف اشیا دی قیمتاں، صوبہ اچ 360 سہولت بازاراں دی کارکردگی اتے پنجاب ولوں کݨک دی ریلیز بارے بریفنگ ݙتی۔پنجاب اتے سندھ دی حکومت ڳنے دی کرشنگ، کھنڈ دی دستیابی اتے قیمتاں بارے آگاہ کیتے۔
