معیشت کوں پائیدار بنیاداں تے ترقی دی راہ تے سٹݨ کیتے اپݨیاں کوششاں جاری رکھیسن،مشیر خزانہ ڈاکٹرعبدالحفیظ شیخ

 

اسلام آباد۔19نومبر(اے پی پی)وزیراعظم دے مشیربرائے خزانہ ومحصولات ڈاکٹرعبدالحفیظ شیخ آکھیے جو حکومت ملکی پیداوار اتے برآمدات ودھاوݨ نال معیشت کوں پائیدار بنیاداں تے ترقی دی راہ تے سٹݨ کیتے اپݨیاں کوششاں جاری رکھیسن۔ہک ٹویٹ اچ انہاں آکھیا جو پی ٹی آئی دی حکومت کوں حسابات جاریہ دا19.2ارب ڈالر دا خسارہ ورثے اچ ملیا ہا، حکومت معاشی بحالی کیتے ودھ اقدامات کیتن، جیندے نال پچھلے مالی سال ایں خسارہ کوں 3 ارب ڈالر دی سطح تے قھن آیا ڳئے، جاری مالی سال ایندے اچ ٻئی چنڳائی آئی اے، جولائی توں اکتوبر تئیں حسابات جاریہ دے کھاتے 1.2 ارب ڈالر ودھ ڳین، پچھلے مالی سال ایں مدت اچ حسابات جاریہ دا خسارہ 1.4 ارب ڈالر ھا، مالی سال 2017-18 دے پہلے چار مہینے اچ حسابات جاریہ دا خسارہ 5.4 ارب ڈالر اتے مالی سال 2016-17 دے پہلے چار مہینے اچ حسابات جاریہ دا خسارہ 5.6 ارب ڈالر ھا۔ انہاں آکھیا جو حکومت ملکی پیداوار اتے برآمدات اچ ودھارے کیتے معیشت کوں پائیدار بنیاداں تے ودھوتری دو ڳھن ونڄݨ کیتے اپݨی کوششاں دا سلسلہ جاری رکھیسن ۔