واشنگٹن۔11نومبر (اے پی پی) امریکہ دے نومنتخب صدر جوبائیڈن آکھیا جو نویں حکومت بݨاوݨ اتے اقتدار دی منتقلی دا عمل کوئی نی روک سڳدا۔ برطانوی خبر رساں ادارے دے مطابق انہاں گزریل ݙینھ ڈٰلاویئر اچ آپݨے ہک خطاب اچ آکھیا جو کڄھ تھی ونڄے آندے سال 20 جنوری کوں نویں حکومت بݨ تے رہسی اتے ایں سانگے انہاں دی ٹیم کم کریندی پئی اے۔انہاں آکھیا جو ٹرمپ دا آپݨٰی ہار منݨ اتے انتخابی نتائج کوں نہ منݨ شرمندگی دا باعث اے۔