وفاقی وزیر مواصلات مراد سعید آکھیے جو پی ڈی ایم دے جلسے اتے احتجاجی سیاست ناکام تھی چکی اے، پہلے ایہے لوک حکومت توں سخت لاک ݙاون لاوݨ دا مطالبہ کریندے ہن بھل اڄ اپݨے مفاد کیتے انہاں کوں کرونا ݙسدا ہی نئیں اتے اے لوک لوکاں دا جیوݨ دا تے لا تے جلسیاں تے زور ݙیندن۔ انہاں اپوزیشن رہنماواں دے کرونا بارے ݙو مختلف بیانیے وی ویڈیو کلپس نال پیش کیتن جیندے اچ پیپلز پارٹی اتے مسلم لیگ (ن) دے سینئر رہنما کرونا ویلے سخت ایس او پیز تے زور ݙیندے کرونا روکݨ کیتے حکومتی پالیسیاں تے تنقید کیتی ہئی اتے کجھ تے تعریف کیتی ہئی۔ مراد سعید آکھیا جو قوم جاݨدی اے جو انہاں اپݨے دور اچ عوام کیتے کجھ کیتے ناں ملک کیتے، اے لوک معیاری ہسپتال تئیں نئیں بݨا سڳیے۔ انہاں آکھیے جو وزیراعظم عمران خان کرونا نال جیویں نبڑین اوکوں پورا جڳ منیدے اتے مثال بݨا کے پیش کریندن، حکومت ناصرف لوکاں کوں کرونا توں بچائے، انہاں دا روزگار سنبھالیے بھل ملک دی معیشت کوں وی ٹیک ݙتی اے جو اڄ عالمی ادارے وی ایندے استحکام تے اطمینان کریندے پین جو پاکستان درست سمت دو ویندا پئے، کرونا نال کامیابی نال نبڑن تے اپویشن وزیراعظم عمران خان توں معافی منڳی اے نہ شرم ݙکھائی اے کیوں جو اے کرونا تے سیاست کرݨ چاہندے ہن جو اموات ودھن، اڄ ایں مقصد کیتے ہی اے جلسے کریندے ودن جو حکومت کوں ناکام ثابت کیتا ونڄے بھل لوکاں ݙیکھ ڳھدے جو وݙے وݙے عالمی ادارے ڈبلیو ایچ او، ورلڈ اکنامک فورم اتے بل گیٹس وزیر اعظم عمران خان دے فیصلیاں تے تعریف کیتی اے۔
