کراچی۔23نومبر(اے پی پی)وفاقی وزیر بحری امور علی زیدی آکھیے جو وفاقی حکومت مچھیریاں کوں نویاں بیڑیاں اتے آلات ڳھنݨ کیتے سرمایہ ݙیسی،ایں سانڳے کورنگی فشر ہاربر اتے میرین فشریز ڈیپارٹمنٹ اچ بوتھ قائم کیتے ویندے پین۔ انہاں آکھیا جو ہݨ سرمائے دی قلت یا عدم دستیابی ماہی گیری دی صنعت اچ رکاوٹ نہ پا سڳسی، ماہی گیراں کو آلات، سازوسامان ،کشتیاں اچ جدت کیتے سرمایہ ݙیسوں، اے سرمایہ بینک آف پنجاب، کامیاب جوان پروگرام دے ڳانڈھے نال ݙتا ویسی، مچھیرے سوکھیں قرض ڳھن تے باعزت روزگار کما سڳسن، ماہی گیراں کیتے فشنگ پالیسی کوں وی حتمی شکل ݙتی ویندی پئی اے۔
