نیویارک۔8نومبر (اے پی پی):ڈیموکریٹک امیدوار جوبائیڈن امریکہ دے نویں صدر منتخب تھی ڳن ، او ڈونلڈ ٹرمپ کوں ہرا تے امریکہ دے 46ویں صدر منتخب تھی ڳن، انہاں 273الیکٹورل ووٹ حاصل کیتے تےجنوری 2021ءاچ اپݨے عہدے دا حلف چیسن۔ ذرائع ابلاغ موجب جوبائیڈن امریکی صدارتی انتخابات اچ ڈونلڈ ٹرمپ کوں شکست ݙے ݙتی اے ، جوبائیڈن پنسلوانیا اچ کامیابی دے بعد امریکہ دے صدر منتخب تھی ڳئن، انہاں پنسلوانیا توں20 الیکٹورل ووٹ ڳھدن ۔ انہاں مجموعی طور تے 284 الیکٹورل ووٹ گھن تے نویں امریکی صدر منتخب تھیوݨ دا اعزاز حاصل کیتے اتے ٹرمپ 214 الیکٹورل ووٹ ڳھدن۔ جوبائیڈن 7 کروڑ 48 لکھ اتے 46 ہزار ووٹ حاصل کیتے ڄݙاں جو ٹرمپ وی7 کروڑ توں ودھ ووٹ ڳھدے ،بائیڈن 50.6 فیصد ووٹ حاصل کیتن۔ ٹرمپ 1992ءدے بعد ݙوجھی واری منتخب نہ تھیوݨ آضے پہلے امریکی صدر ہن۔ اوجنوری 2021ءاچ عہدے دا حلف چیسن ۔
