پنڄویں تھل جیپ ریلی کیتے روٹ مارکنگ دا کم مکمل

ملتان۔18نومبر(اے پی پی)پنڄویں تھل جیپ ریلی کیتے ٹورازم ڈویلپمنٹ کارپوریشن آف پنجاب (ٹی ڈی سی پی )دی ٹیم روٹ مارکنگ کر ڳھدی اے۔ ضلع مظفرگڑھ دے علاقہ چھانگامانگا ٹیلہ توں 20 نومبر توں شروع تھیوݨ آلی ترائے ݙیہاری جیپ ریلی کیتے 105 کلومیٹر روت بݨایا ڳئے جیہڑا ضلع لیہ دی تحصیل چوبارہ اچ اے۔ ایں سانڳے ٹی ڈی سی پی حکام چھانگامانگا ٹیلہ تے ٹینٹ لاوݨ، ریسکیو1122 کوں ڄاہ ݙیوݨ، مہماناں دی ڄاہ اتے ڳاݙیاں کیتے پارکنگ ، پاݨی بجلی جھیں ٻئے اقدامات خمیس تئیں مکمل کرگھنسن۔