پے اینڈ پنشن کمیشن بنیادی تنخواہواں، الاؤنسز اتے پنشن کوں مرکزی دھارے اچ ڳھن آوݨ کیتے مالی طور تے قابل عمل حل ݙیوݨ اچ کامیاب تھیسی، ڈاکٹرعبدالحفیظ شیخ

اسلام آباد۔26نومبر(اے پی پی)وزیراعظم دے مشیر خزانہ و محصولات ڈاکٹرعبدالحفیظ شیخ  پے اینڈ کمیشن دے اجلا س نال خطاب کریندے آکھیا جو پے اینڈپنشن کمیشن سارے سرکاری ملازماں دی بنیادی تنخواہواں، الاؤنسز اتے پنشن کوں مرکزی دھارے اچ ڳھن تے آوݨ کیتے مالی طور تے قابل عمل حل ݙیوݨ اچ کامیاب تھیسی۔ کمیشن دی اڳواݨ اتے سرکاری و نجی شعبہ دے سینئرماہرین، وفاق، صوبیاں اتے گلگت بلتستان دے سیکرٹریز اتے متعلقہ حکومتی افسراں اجلاس اچ شرکت کیتی۔ ڈاکٹرعبدالحفیظ شیخ افتتاحی تقریب نال خطاب کریندے آکھیے جو حکومت رپورٹ کوں حتمی شکل ݙیوݨ توں پہلے کمیشن دی سفارشات تے غور کرݨ کیتے تیار اے۔