اسلام آباد۔29نومبر(اے پی پی)وزیراعظم عمران خان آکھیے جو کرونا اچ ساݙا مقابلہ ہک اینڄھی سیاسی قیادت نال اے جئیں کݙاہیں وی جمہوری جدوجہد کیتی اے ناں ایکوں کہیں عوامی مسلے یا اوکھ نال کوئی سروکار اے، انہاں دی این آر او دی سک کݙاہیں وی نہ پوری تھیوݨ ݙیساں۔ ہک ٹویٹ اچ وزیر اعظم دا آکھݨ ہا جو درحقیت انہاں رہنماواں کوں عوام نال کوئی ہمدردی کینیبھل انہاں دے ٹبراں قومی دولت لٹ تے عوام کوں بٰا غربت وات کیتے، اے لوک اپݨیاں ویران حویلیاں اچ شاہانہ جیوݨ گذریندن اتے اے پوزیشن انہاں کوں ترکے اچ ملی اے، انہاں دا ہکو مقصد اے جو کیہوائیں اپݨے ٹبراں دی لٹی دولت اتے کرپشن بچائی ونڄے، انہاں دی سیاست ٻس ایہا اے اتے اے لوک این آر او دی تڑپ کیتے کڄھ وی کر سڳدن۔ وزیراعظم آکھیے جو اساں اپݨے غریباں اتے معیشت کوں مکمل تباہی توں بچاوݨ کیتے اسمارٹ لاک ڈاؤن کیتا ھا بھل اے ایندی مخالفت کریندے رہین ، اڄ ڄݙاں ولا اسمارٹ لاک ڈاؤن دی لوڑھ اے تاں اے لاکاں دے جیوݨ نال کھݙدے پین اتے جلسے کرݨ چاہندن۔ وزیر اعظم آکھیے جو این آر او کیتے دباؤ دا چھیکڑی ہتھکنݙا اے بھل این آر او کݙاہیں نہ تھیسی۔
