کوروناوائرس دی وبا ، ہک سال اچ 20لکھ ٻال موت دے منہ اچ ونڄ سڳدن ،یونیسیف

نیویارک۔20نومبر  (اے پی پی):اقوام متحدہ دے بہبودِ اطفال دے ادارے یونیسیف آکھیے جو کورونا وائرس دی وبا توں آندے 12مہینے اچ گھٹ توں گھٹ 20 لکھ ٻال موت دے منہ اچ ونڄ سڳدن ڄݙاں جو اضافی 2 لکھ ٻال ڄمݨ توں پہلے ہی زندگی توں محروم تھی سڳدن ۔یونیسیف آکھیے جو کورونا وائرس دی وبا ساری دنیا دے ٻالاں دی صحت، تعلیم اتے غذائیت تے ناقابلِ تلافی اثرات مرتب کیتن ۔ ادارے موجب مختلف سروسز اچ انتشار دی کیفیت اتے ودھدی غربت ٻالاں دیاں زندگیاں تے پریشانیاں اتے خطرات دی چادر کھنڈا ݙتی اے۔ یونیسیف دی سربراہ اتے ایگزیکٹو ڈائریکٹر ہینریٹا فور آکھیے جو ایں صورت حال نال ٻالاں دی ہک پوری نسل شدید خطرے وچ ھے ۔