کورونا وائرس دے 2208کیس رپورٹ، این سی او سی

اسلام آباد۔18نومبر  (اے پی پی):نیشنل کمانڈ اینڈآپریشن سنٹر (این سی او سی) کورونا وائرس دے حوالے نال تازہ ترین اعداد وشمار جاری کرݙتن.بدھ کوں این سی او سی توں جاری کیتے ڳئے اعداد و شمار موجب گزریل 24 گھنٹے دے دوران 2 ہزار 208 لوکاں دے کووڈ۔19ٹیسٹ مثبت آئے اتے 37 لوک وائرس پاروں جاں بحق تھی ڳن جیں اچوں 34 بندے ہسپتالاں تے 3 مریض گھر اچ قرنطینہ دے دوران جاں بحق تھی ڳئن۔ گزریل 24گھنٹے وچ کووڈ۔19 دے 38 ہزار 544 ٹیسٹ کیتے ڳئن جیں اچوں سندھ اچ 12 ہزار 430 پنجاب اچ 15 ہزار 3، خیبرپختونخوا اچ 3 ہزار 473، اسلام آباد اچ 5 ہزار 975، بلوچستان اچ 626،گلگت بلتستان اچ 297، آزاد کشمیر اچ 740ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی تعداد 3 لکھ 25 ہزار 788 تھی ڳی اے ۔آزاد کشمیر اتے بلوچستان اچ کووڈ۔19 دا کوئی وی مریض ایں ویلھے وینٹیلیٹرتے کائنی جݙاں جو پورے ملک اچ کووڈ۔19 کیتے مختص 1 ہزار 869 وینٹیلیٹرز تے کووڈ۔19 دے 228 مریض ہن۔ پورے ملک اچ کووڈ۔19 دے ایکٹو کیسز دی تعداد 30 ہزار 362 ھے۔