جنیوا۔17نومبر (اے پی پی) عالمی ادارہ صحت (ڈبلیو ایچ او )آکھیے جو اونکوں کجھ ملکاں خصوصاً یورپی ملکاں تے امریکی ملکاں اچ نوول کورونا وائرس توں متاثرہ کیسز اچ تکھے ودھارے تے تشویش لاحق اے ۔ڈبلیو ایچ او دے ڈائریکٹر جنرل ٹیڈروس ایدہانوم گیبریسس پریس کانفرنس اچ نشاندہی کیتی جو یورپی اتے امریکی ملکاں اچ شعبہ صحت دے کارکناں اتے صحت دے نظام کوں تباہی دے دہانے تے دھکیل ݙتا ڳئے ۔انھاں چتاوݨی ݙتی اے جو او ملک جیڑھے بے قابو تھی تے وائرس کوں کھنڈݨ ݙیندے پن انہاں دا اے طرز عمل اڳوں کھیݙݨ دے مترادف اے اتے اے غیر ضروری اموات اتے تکلیف دا باعث بݨسی ،ایندے نتیجے اچ وݙی تعداد اچ لوک نوول کورونا وائرس دے طویل مدتی اثرات دا شکار بݨسن اتے شعبہ صحت دے کارکناں کوں ذہنی دباؤ دا سامݨاں کرݨاں پوسی ۔انھاں آکھیے جو تکھے ودھدے انہاں کیسز ٻہوں سارے ملکاں دے نظام صحت تے ودھ سارا ٻوجھ پاݙتے ۔
