اقوام متحدہ۔28دسمبر  (اے پی پی):اقوام متحدہ دی جنرل اسمبلی  دے صدر وولکن بوزکیربلوچستان اچ   فرنٹیئر کور  (ایف سی ) دی چیک پوسٹ تے دہشت گرداں دے حملے دی شدید مذمت کریندے ہوئیں پاکستانی حکومت اتے عوام دے نال افسوس دا اظہار کیتے ۔انہاں گزریل ݙینھ آپݨے ٹویٹ اچ ہفتے کوں بلوچستان دے ضلع ہرنائی دی تحصیل شاہرگ اچ ایف سی دی چیک پوسٹ تے تھیوݨ آلے دہشت گرد حملے  اچ سکیورٹی اہلکاراں دی شہادت تے پاکستانی عوام اتے حکومت توں تعزیت دا اظہار کیتے ۔   حملے اچ 7 ایف سی اہلکار شہید تھی ڳئن ۔ اقوام متحدہ دی جنرل اسمبلی دے صدر دے تعزیتی پیغام تے پاکستان دے سفیر منیر اکرم انہاں دا شکریہ ادا کریندے ہوئیں دہشت گردی دے خلاف جنگ اچ       انسانی جاناں دے ضیان تے معاشی  نقصان دی صورت اچ بھاری قیمت چکاوݨ دے باوجود  پاکستان     دہشت گردی دے خاتمے کیتے ثابت قدم اے۔