اقوام متحدہ۔24دسمبر  (اے پی پی):اقوام متحدہ دے ادارہ یونیسیکو 2020 اچ 4 تریمتاں سودھے 59 صحافیاں دے قتل دی مذمت کریندے ہوئیں آکھیے جو او لوکاں دی بہتری تے فلاح و بہبود کیتے سچ اتے حقائق تے مبنی رپورٹنگ، آزادی صحافت  اتے  معلومات تئیں رسائی کوں یقینی بݨاوݨ دے نقطہ نظر دا حامل اے۔  اقوام متحدہ ادارہ تعلیم، ثقافت اتے سائنٹفک تنظیم (یونیسکو) صحافیاں دے تحفظ  کیتے’’صحافیاں دا تحفظ ، سچائی دا تحفظ‘‘ دے عنوان توں عالمی آگاہی مہم  دے نال جاری رپورٹ اچ آکھیے جو گزریل دہائی  دے دوران اوسطاً ہر 4 ݙینھ اچ ھک صحافی اپݨی  جان دی بازی ہریا۔   یونیسکو دی  ڈائریکٹر جنرل آڈرے  ایزولے  صحافیاں دے تحفظ اتے استثنا دے خطرہ تے 2020 دی جاری رپورٹ اچ آکھیے جو اڄوکے سال گزریل سالاں دے مقابلے اچ صحافیاں دے قتل دی شرح  نسبتاً گھٹ رہی تے ایجھے ویلھے اچ جݙاں دنیا کورونا وائرس دی وبا اتے غلط معلومات  دے کھنڈݨ کوں روکݨ کیتے لڑدی پئی اے ایں وبا پوری دنیا اچ  آزادی صحت  کوں  شدید متاثر کیتے ۔