سوئٹزرلینڈ۔27دسمبر  (اے پی پی):عالمی ادارہ صحت آکھیے جو دنیا کوں کورونا وائرس وانڳوں ݙوجھے وبائی امراض کیتے وی تیار رہݨاں چاہیدے۔امریکی ذرائع ابلاغ موجب ورلڈ ہیلتھ آرگنائزیشن (ڈبلیو ایچ او) دے ڈائریکٹر جنرل ٹیڈروس ایڈنوم گیبریس ݙسائے جو مستقبل اچ مزید وبائی امراض دستک ݙے سڳدن لہذا دنیا کوں ایں کیتے وی تیار رہݨاں چاہیدے ۔ ٹیڈروس ایڈنوم گیبریس آکھیے جو دنیا گزریل12 مہینے اچ ٻہوں سارے واقعات ݙٹھن ۔انہاں آکھیے جو گزریل موسم بہار موسم بہار اچ کورونا وائرس دی وبا شروع تھیوݨ توں پہلے ایجھے ٻہوں سارے جائزے اتے اطلاعات سامݨے آئن جیں اچ آکھیا ڳیا ہئی جو دنیا ایجھے بحراناں کیتے تیار کائنی۔ ڈبلیو ایچ او دے ڈائریکٹر جنرل آکھیے جو سارے ملکاں کوں اپݨی صلاحیتاں توں بھرپور طریقے نال فائدہ چاوݨاں چاہیدے ایں کیتے تاریخ اساکوں ݙسائے جو اے چھیکڑی آخری وبائی بیماری کائنی ۔