ماسکو ۔6دسمبر  (اے پی پی) روس آپݨی بݨائی کورونا وائرس ویکیسن اسپوٹنک V دی تقسیم شروع کر ݙتی اے۔روسی ذرائع ابلاغ دے مطابق صدر ولادی میر پیوٹن آندے ہفتے توں پورے ملک اچ ویکسین لاوݨ دی مہم شروع کرݨ دا حکم ݙتے جئیں دے مطابق ویکیسن حکومت ولوں مفت ݙتی ویسی اتے ایں اعلان دے بعد پنج ہزار توں ودھ بندیاں ویکسین دی خوراک گھنݨ دی درخواست جمع کروا ݙتی اے۔ روس اچ حکومتی سطح تے بݨائی ڳئی کورونا ویکسین اسپوٹنک V دی اگست اچ منظوری ݙتی ڳئی ہئی۔