پشاور۔16دسمبر(اے پی پی)وزیرِ اعظم عمران خان دورہ پشاور ویلھے حیات آباد سپورٹس کمپلیکس پڄین جتھاں انہاں دا استقبال وزیرِ اعلی محمود خان، گورنر  شاہ فرمان اتے صوبائی وزیرِ خزانہ تیمور سلیم جھگڑا کیتے۔ تقریب توں پہلے سانحہ آرمی پبلک سکول دے شہداء دے احترام اچ ہک منٹ دی خاموشی کیتی ڳئی۔ وزیراعظم حیات آباد کرکٹ سٹیڈیم دی بین الاقوامی کرکٹ کیتے اپ گریڈیشن منصوبے دچا منڈھ بدھیے۔ حیات آباد کرکٹ سٹیڈیم دی اپ گریڈیشن نال پشاور اچ بین الاقوامی معیار دے کرکٹ سٹیدیمز دی تعداد ݙو تھی ویسی۔ وزیرِ اعظم حیات آباد سپورٹس کمپلیکس اچ تریمتیں کیتے جدید سہولیات دے فٹنس جم، سوئمنگ پول دا وی افتتاح کیتے۔ وزیرِ اعظم کالام اچ کرکٹ سٹیڈیم اتے گراسی کرکٹ گراؤنڈ سوات دا وی سنگِ بنیاد رکھیے۔