مظفرگڑھ۔27دسمبر  (اے پی پی):وزیر اعلی ا پنجاب اتے آئی جی پنجاب انصاف ݙیواون 2 اوباشاں دی مبینہ درندگی دا نشانہ بݨ ونڄݨ آلی محنت کش دی 15 سالہ طالبہ دی فریاد، علی پور تھاݨاں خیر پورسادات دی حدود اچ پندرہ سالاں دی ٻالڑی دے نال 2 اوباشاں زیادتی کیتی۔ تفصیل موجب مظفرگڑھ دی تحصیل علی پور دے تھاݨہ خیر پور سادات دے موضع مراد پور جنوبی دے رہائشی محنت کش محمد شاہد متاثرہ ٻالڑی دے رلے گزریل ݙینھ پریس کلب تحصیل علی پور پڄ تے ݙسایا جو 20،21 دسمبر دی وچلی رات ایندی نوویں جماعت دی طالبہ 15 سالہ دھی حنا شاہد رات کوں گھروں رفع حاجت کیتے نکلی تاں تاڑ اچ بیٹھے ملزمان حسنین ولد صفدر حسین اتے علی حیدر ولد ملازم حسین اینکوں زبردستی وٹھی تے نال بھوں آلے کمرے وچ گھن ڳے اتھاں ݙوہیں اینکوں زبردستی زیادتی دا نشانہ بݨایا ٻالڑی دی چیخ و پکار تے او بھج ڳے ملزمان اینکوں آندا ݙیکھ تے بھجیے پولیس تھاݨہ خیرپور سادات  ایندے بیان تے مقدمہ درج کر تے ملزمان کوں گرفتار تاں کر ڳھدے لیکن بعد اچ چھوڑ ݙتے ۔متاثرہ خاندان خیر پور سادات پولیس تے با اثر ملزمان کوں رشوت گھن تے چھوڑیے ونڄݨ دا الزام لاتے جݙاں جو ایس ایچ او تھاݨہ خیرپور سادات ملزمان کوں وختی گرفتار کرݨ دا یقین ݙیوائے ۔