واشنگٹن، ماسکو۔28دسمبر  (اے پی پی):پوری دنیا دے کئی ملکاں اچ مہلک کورونا وائرس توں بچݨ کیتے ویکسینیشن دے آغاز دے بعد ہݨ تئیں 48 لکھ توں ودھ لوکاں کوں ویسکین لاتی ڳی اے ۔سنوار کوں امریکی ذرائع ابلاغ دے مطابق امریکہ دی مختلف ریاستاں اچ کورونا وائرس توں بچݨ کیتے ویکسینیشن مہم جاری اے تے ہݨ تئیں 19لکھ لوکاں کوں ویکسین لاتی ڳٰ اے ۔ امریکی حکومت ملک اچ ہنگامی استعمال کیتے ݙو قسم دی کووڈ۔19 ویکسین منظور کرڳھدی اے ۔ امریکی حکام ݙسائے جو ملک اچ ہݨ تئیں 1944585 لوکاں کوں کورونا وائرس توں بچݨ دی ویکسین لاتی ڳی اے ۔