ہملٹن۔20دسمبر(اے پی پی)ہملٹن اچ ݙوڄھے ٹی ٹوئنٹی میچ اچ میزبان نیوزی لینڈ قومی ٹیم کوں ہرا تے ترائے میچاں دی سیریز ݙو صفر توں جیت ڳھدی اے۔ پہلے کھیݙدے ہوئے شاداب الیون 164 رنز دا ہدف ݙتے۔ پاکستان ولوں اوپنر حیدر علی 8 رنز، عبداللہ شفیق صفر، محمد رضوان 22، کپتان شاداب خان اتے فہیم اشرف 4، 4 رنز بݨا تے آوٹ تھین۔ ایں موقع تے محمد حفیط اتے خوشدل شاہ 50 پارٹنر شپ کیتی بھل چھکے دے چکر اچ  خوشدل شاہ وی پویلئن ٹر ڳین۔ محمد حفیظ چھیکڑ تئیں ݙٹیے رہین اتے ہک رن دی وتھی توں سنچری مکمل نئیں کر سڳیے۔ ولدے اچ نیوزی لینݙ وکٹ کیپر ٹم سیفرٹ دے 84 رنز اتے کپتان  کین ولیمسن دے 57 رنز پاروں سکور ہک وکٹ تے پورا کر ڳھدے۔