لاہور۔1دسمبر (اے پی پی):گور نر پنجاب چوہدری محمدسرور آکھیے جو احتساب دے علاوہ حکومت ہر ایشوز تے اپوزیشن نال ڳالھ مھاڑ کیتے تیارہیسے ،اپوزیشن دے جلسیں دے معاملے تے شاہ محمود قر یشی اتے فواد چوہدری دا موقف تحر یک انصاف اچ جمہوریت اتے ساریں کوں اپݨی ڳالھ کرݨ دا حق تے ہووݨ دا ثبوت ݙتے ،پی ڈی ایم جلسیں تے نظر ثانی کرے تاں چنڳاں ہوسی تاںجو ملک کوں کورونا دے حوالے نال امر یکہ جیہے حالات توں بچایا ونڄ سڳے ،(ن) لیگ دے صدر شہبا زشر یف نال ٹیلی فونک رابطے اچ صرف انھاں دی والدہ دے انتقال تے اظہار تعزیت کیتے کہیں قسم دی کوئی سیاسی ڳالھ نی کیتی ڳی ۔او منگل کوں گور نر ہائوس اچ پولیو مہم دے حوالے نال منعقدہ تقر یب توں خطاب اتے میڈیا نال ڳالھ مہاڑ کریندے پے ہن ۔ایں موقع تے صوبائی وزیر صحت ڈاکٹر یاسمین راشد ،صوبائی مشیراطلاعات ڈاکٹر فردوس عاشق اعوان اتے ڈی جی ہیلتھ کیپٹن (ر) عثمان اتے گور نر پنجاب دے پولیٹیکل سیکرٹری میاں کاشف اقبال سودھے ٻئے وی موجود ہن۔
