نیویارک۔19 دسمبر(اے پی پی)اقوام متحدہ تصدیق کیتی اے جو اقوام متحدہ دے فوجی مبصر گروپ دی گاڑی کوں لائن آف کنٹرول (ایل او سی) تے راولاکوٹ دے نیڑے نشانہ بݨایا ڳئے۔ نیویارک اچ بریفنگ ویلھے اقوام متحدہ دے سیکرٹری جنرل دے نائب ترجمان فرحان حق آکھیے جو اقوام متحدہ دا مشن فی الحال واقعے دی تحقیقات کریندا پئے بھل ساݙے کولو معلومات موجب ایں واقعے اچ کوئی زخمی نئیں تھیا اتے اقوام متحدہ دے فوجی مبصر گروپ دی گاڑی کوں نقصان پڄے۔ ترجمان آکھیے جو واقعے بارے اقوام متحدہ ݙوہاں ملکاں دے موقف نال آگاہ اے، ابتدائی طور تے ایہو پتا اے جو گاڈی نال کوئی ان ڄاݨ شئے لڳی اے، اے واقعہ اوں ویلھے تھئے ڄݙاں اقوام متحدہ دا فوجی مبصر گروپ جموں و کشمیر اچ کنٹرول لائن تے سیز فائر دی خلاف ورزی ݙیکھݨ سانڳے راولاکوٹ دے نیڑے بگرانی تے ہا۔
