اسلام آباد۔21دسمبر (اے پی پی):سماجی تنظیم نیلا ب دے پروگرام مینیجر معاذ اصغر اتے ٻئے عہدیداران عبدالروف بالم ۔ملک مرید حسین کلیم اللہ بھٹی آکھیے جو آواز فاونڈیشن پاکستان اتے نیلاب چلڈرن اینڈ وومن ڈویلپمنٹ کونسل سودھے انھاں دے سارے اجالا پارٹنرز Anti.Rape ordinence 2020 منظور کرݨ تے حکومت پاکستان دا شکریہ ادا کریندن تے انھاں دیاں کوششاں دی تعریف کریندے ہوئیں مطالبہ کریندن جو مناسب Anti Rape قانون تشکیل ݙیوے تے ہرسطح تے ایندا نفاذ یقینی بݨاوے اپݨے سانجھے بیان اچ انھاں آکھیے جو آواز فاونڈیشن اتے نیلاب صدر مملکت عارف علوی اتے حکومت پاکستان دے شکر گزار ہیسے تے انھاں وزیر اعظم پاکستان عمران خان دے گزریل مہینے کیتے ڳے اعلان تے وعدے کوں توڑ پڄاوݨ کیتے عملی جامہ پوائے لیکن آڑڈیننس دی معیاد صرف 120 ݙینھ ہوندی اے تے عوام تے سول سوسائٹی ایں بارے فکر مند اے اساں چاہندوں جو ٻالاں تے تریمتاں نال جنسی زیادتی دے واقعات کوں روکݨ کیتے ہک وفاقی تے صوبائی سطح تے پائیدار قانون سازی کیتی ونڄے تے موثر انداز اچ ایندے تے عمل درآمد وی تھیوے ۔انھاں آکھیے جو آواز فاونڈیشن پاکستان ہمیشہ تریمتاں تے ٻالاں دے حقوق کیتے آواز چاتی اے ۔انھاں آکھیے اساں سارے لوکاں دا شکریہ ادا کریندوں جنھاں دی وجہ توں ممکن تھئے جو خاص طور تے منسٹری آف ہیومن رائٹس تے منسٹری آف لا دا،انھاں ضیاالرحمن چیف ایگزیٹو آواز فاؤنڈیشن پاکستان ،اجالا نیٹ ورک اتے ایندے تحت اپݨے 44 ڈسٹرکٹ پارٹنرز دی نمائندگی کریندے ہوئیں ہک واری ول حکومت توں استدعا کریندے ہوئیں آکھیے جو قانون سازی دا مناسب طریقہ اپنا تے آرڈیننس کوں ہک قانون دی شکل ݙتی ونڄے تاں جو ایندے تے عملدرامد کوں یقینی بݨا تے تریمتاں تے ٻالاں دے خلاف ایجھے ظالمانہ جرائم کوں روکیا ونڄے ۔
