اسلام آباد۔27دسمبر (اے پی پی):کورونا دی وبا دے دوران روزگار دے تحفظ کیتے سٹیٹ بینک دی سکیم دے تحت مجموعی طورتے16 لکھ، 95 ہزار، 763 ملازمین دے روزگار کوں تحفظ ݙتا ڳے ۔ سٹیٹ بینک آف پاکستان کورونا وائرس دی وبا توں پیدا تھیوݨ آلی معاشی مشکلات اتے بے روزگاری روکݨ کیتے اے سکیم متعارف کرائی ہئی۔ سکیم دے تحت کاروباری اداریں کوں مستقل، کنٹریکٹ اتے ݙیہاڑی دار سودھے ہرقسم دے ملازمین کوں تنخواہیں دی ادائیگی کیتے سستے قرضے حاصل کرݨ دی سہولت ݙتی ڳی اے ۔ سکیم دے تحت اپریل 2020 توں ستمبر 2020ء دے دوران اپݨِے ملازمین کوں برطرف نہ کرݨ آضے ادارے ملازمین دی ترائے مہینے دی تنخواہ کیتے 5 فیصد شرح سود تے قرض حاصل کر سڳدن ۔
