ملتان ۔8دسمبر (اے پی پی) بہار دے موسم اچ جنوبی پنجاب دی دستکاریاں اتے ثقافت دے ودھارے سانقے قلعہ کہنہ قاسم باغ اچ ”جنوبی پنجاب لوک ورثہ میلہ “کراوݨ دا فیصلہ کیتا ڳئے۔ منیجنگ ڈائریکٹرپنجاب سمال اندسٹریز کارپوریشن (پی ایس آئی سی )یاورمہدی ملتان دے دورے دے موقع تے منگل کوں ریجنل ڈائریکٹرپنجاب سمال انڈسٹریز ملتان عمارہ منظور دے رلے کمشنرملتان نال ملاقات کیتی اتے آکھیا جو جنوبی پنجاب ثقافتی مرکز اے ۔ریجنل آفس پی ایس آئی سی ملتان دے نمائندیاں ایں موقع تے پربریفنگ ݙیندیں ہوئیں ݙسیا جو ملتان دے کاشی گراں ،نقاشاں ،کھسہ سازاں ،کشیدہ کاراں ،بلیوپاٹری دی مصنوعات بݨاوݨ آلے 118 دستکاراں کوں ہک کروڑ 67 لکھ روپے دے بلاسود قرضے وی ݙتے ڳئن۔ جڈانجو وزیراعلیٰ پنجاب دی روزگار سکیم دے تحت 16 لکھ لوکاں کوں روزگار ݙیوݨ سانڳے موقع وی ݙتے ڳئن ۔
