اسلام آباد۔2دسمبر (اے پی پی) وزیرِ اعظم عمران خان سول سرونٹس کارکردگی اتے نظم و ضبط قواعد2020دی منظوری ڈے ݙتی اے۔بدھ کوں وزیراعظم آفس دے میڈیا ونگ توں جاری بیان دےمطابق انہاں قوانین دا مقصد سول سرونٹس دی کارکردگی کوں بہتر کرݨ اتے محکمانہ احتساب دے نظام کوں شفاف اتے موثر بݨاوݨ اے۔ انہاں قواعد دے نشابر خدوخال اے ہن۔ محکمانہ احتساب دے عمل کو ں تکھا کرݨ سانڳے افسر مجاز (اتھورائزڈ آفیسر) دا درجہ ختم کر ݙتا ڳئے ایں سانڳے ہݨ صرف اتھارٹی اتے انکوائری افسر کمیٹی ہوسن۔ایں عمل کوں ݙو درجات اچ کرݨ نال مجاز اتھارٹی دی منظوری دے بعد تلویں سطح تے ای افسر مجاز ولوں سزاواں ݙیوݨ دا مسئلہ حل تھی ویسی۔چارجز (الزامات) دا جواب (10 توں 14 ݙینھ)، انکوائری کمیٹی /افسر ولوں کاروئی پوری کرݨ دا ویلھا سٹھ ݙینھ رکھیا ڳئے۔ اتھارٹی ولوں کیس دا فیصضہ 30 ݙینھ اچ کیتا ویسی۔ انصاف دے تقاضے کوں یقینی اتے الزام علیہ کوں شخصی سماعت دا موقع اتھارٹی سماعت کرݨ آلے افسر ولوں ݙتا ویسی۔ پلی بارگین اتے والنٹری ریٹرن کوں وی بدعنوانی (مس کنڈکٹ) دے زمرے اچ شامل کیتا ویسی اتے ایجھے افسراں دے خلاف کاروائی کیتی ویسی۔ ریکارڈ دی فراہمی، محکمانہ نمائندے ولوں دیر،معطلی، ڈیپوٹیشن/رخصت/سکالرشپ تے ڳئے افسراں بارے معاملے کوں واضح طور وضع کر ݙتا ڳئے۔
