اسلام آباد۔4دسمبر(اے پی پی) وزیرِ اعظم عمران خان نال وزیرِ مذہبی امور پیر نور الحق قادری جمعے کوں اتھاں ملاقات کیتی جئیں اچ وزیراعظم ، وزارتِ مذہبی امور کوں علما اتے این سی او سی نال مسلسل رابطے اچ رہوݨ دی ہدایت کیتی اے۔ وزیراعظم آفس دے میڈیا ونگ توں جاری بیان دے مطابق وزیراعظم ہدایت کیتی جو وزارت مذہبی امور علماء تے مشائخ کوں کورونا وائرس دی وبا کوں کھنڈݨ دے اعدادوشمار دی فراہمی یقینی بݨاوے تانجو دینی مواعظ اتے خطابات اچ کورونا ایس او پیز تے عملدرآمد دی تاکید منبر نال پورے تھیوے۔ ایں موقع تے اے ڳالھ وی نشابر کیتی ڳئی جو مسیتاں کوں کہیں صورت بند نی کیتا ونڄ سڳدا جڈانجو کورونا ایس او پیز تے عمل کرݨ دی تاکید ضروری اے۔ ۔پیر نور الحق قادری ‘ وزیرِ اعظم نال علماء تے مشائخ کونسل دی تنظیمِ نو تے وی مشورہ کیتا۔
