اسلام آباد۔5دسمبر(اے پی پی) وزیر خارجہ شاہ محمود قریشی آکھیا جو وزیر اعظم عمران خان سٹیزن پورٹل دے ذریعے لوکاں کوں انہاں دے دَر تے انصاف ݙے کراہیں آپݨا وعدہ پورا کیتے۔ہفتے کوں آپݨے ہک بیان اچ وزیراعظم سٹیزن پورٹل دے ݙو سال پورے تھیوݨ تے وزیراعظم کوں مبارخ ݙیندیں ہوئیں وزیرخارجہ آکھیا جو ایہو او تبدیلی اے جئیں دا عمران خان اتے تحریک انصاف قوم نال وعدہ کیتا ہئی۔ وزیرخارجہ وزیراعظم عمران خان دے سٹیزن پورٹل تے ملݨ آلی شکیاتاں کوں موثر انداز اچ نبڑݨ تے سکریٹری خارجہ سہیل محمود اتے وزارت خارجہ دی پوری ٹیم دی کارکردگی دی تعریف کیتی اے۔
