ٹیسٹ کرکٹ اچ بھارت دی پوری ٹیم صرف 36 رنز تے فنش، کوئی وی بھارتی سورما ڈبل فیگر اچ نئیں بݨا سڳیا

ایڈیلیڈ۔19 دسمبر(اے پی پی)ایڈیلیڈ ٹیسٹ اچ اسٹریلیا دے ہتھوں بھارتی ٹیم ٹوٹل فیل تھی ڳئی اتے پوری ٹیم صرف چھتری رنز تے ڈھیر تھی ڳئی اتے کھلاڑیاں دیاں وکٹاں ایویں ݙٹھین جیویں بیریں دے پتر دی کیر ٻُر۔۔۔بھارتی ٹیم آسٹریلیا دے خلاف ݙوجھی اننگز اچ صرف 36 رنز تے پویلین ول تے ڳھٹ ترین سکور دا اپݨا 46 سالہ ریکارڈ تروڑ ݙتے۔ کینگروز دے اڳو کوہلی سودھے بھارتی بلے بازاں دے وݙے وݙے ناں ٻاں کر ڳین اتے کوئی وی کھڈاڑی ڈبل فگر نئیں بݨا سڳیا۔ بھارتی ٹیم 1974 اچ انگلینڈ دے خلاف 42 رنز تے آؤٹ تھئی ھئی۔ ٹیسٹ کرکٹ اچ سب توں ڳھت ٹوٹل نیوزی لینڈ دا اے جیڑھی 1955 اچ انگلینڈ دے خلاف 26 رنز بݨا سڳی ہئی۔