اسلام آباد۔22جنوری  (اے پی پی):صدر ڈاکٹر عارف علوی آڈیٹر جنرل آف پاکستان کوں ہدایت کیتی اے جو آڈٹ آٹومیشن دے عمل کوں تکھے مکمل کرن تاں جو ادارے اچ شفافیت کوں یقینی بݨایا ونڄ سڳے ،آڈیٹر جنرل ادارے دے اندر موجود خرابیاں کوں ہٹاوݨ کیتے ہک مہینے اچ روڈ میپ تیار کرن ۔ اے ڳالھ انہاں آڈیٹر جنرل آف پاکستان جاوید جہانگیر نال ملاقات کریندے ہوئیں آکھی اے ۔ ایوان صدردے پریس ونگ توں جاری بیان موجب آڈیٹر جنرل جاوید جہانگیر صدر کوں اے جی پی آفس دی کارکردگی اتے انفارمیشن ٹیکنالوجی دی مدد نال ادارے دی استعداد کار اچ بہتری گھن آوݨ دے اقدامات تے بریفنگ ݙتی ۔صدرعارف علوی آکھیے معمولی مسئلیں اچ الجھݨ دی بجائے ادارے اچ موجود شدید بے ضابطگیاں دی نشاندہی کیتی ونڄے ۔