اقوام متحدہ۔22جنوری  (اے پی پی):پاکستان اقوام متحدہ دی جنرل اسمبلی اچ خیبرپختونخوا دے ضلع کرک اچ ہندو مندر اچ بھاہ لاوݨ دے اڄوکے واقعے متعلق بھارت دے غیرتصدیق شدہ دعویں کوں مسترد کریندے ہوئیں آکھیے جو بھارت ݙوجھیں تے الزام لاوݨ دی بجائے اپݨے ملک اچ اقلیتاں دے حقوق تے توجہ کرے ۔پاکستانی مندوب ذالقرنین چھینہ  بھارتی مندوب  اشیش شرما دے دعوی جیں اچ انہاں ضلع کرک دے حکام مندر اچ بھاہ لاوں دے واقعے کوں ݙیکھدے رہیے تے کجھ نی کیتا تے اقوام متحدہ دی جنرل اسمبلی اچ گزریل ݙینھ جواب ݙیوݨ دے آپݨے حق دا استعمال کریندے ہوئیں آکھیے جو اے پہلی واری کائنی تھیا جو بھارت ݙوجھیں دے ملک اچ اقلیتاں دے حقوق تے تشویش دا اظہار کیتے جݙاں جو بھارت خوداقلیتاں دے حقوق دی ساریں توں ودھ تے مستقل خلاف ورزی کرݨ آلا ملک اے ۔