ملتان۔12جنوری  (اے پی پی) وزیر صحت پنجاب ڈاکٹر یاسمین راشد آکھیا جو طبی سہولتاں سوکھی کرݨ سانڳے پنجاب دی حکومت سارے وسائل لیندی پئی اے، پنجاب اچ ݙو کروڑ 22 لکھ لوکاں کوں صحت کارڈ ݙتے ویسن اتے صحت دے شعبے اچ پرائیویٹ سیکٹر کوں وی قرضیاں دی صورت مراعات ݙتی ویسن۔ پرائیویٹ سیکٹر اچ صحت سہولتاں سانڳے 40 ارب روپے رکھیے ڳئن۔ انہاں اے ڳالھیں گزریل ݙینھ پنجاب ہیلتھ فائونڈیشن ولوں گورنمنٹ ایمرسن کالج ملتان اچ روڈ شو اچ خطاب کریندیں ہوئیں آکھی۔ روڈ شواچ ایڈیشنل چیف سیکرٹری ساﺅتھ پنجاب زاہد اختر زمان، سیکرٹری ہیلتھ نبیل احمد اعوان ، سیکرٹری ہیلتھ جنوبی پنجاب محمد اجمل بھٹی،اراکین صوبائی اسمبلی سلیم اختر لابر ، قاسم لنگاہ،میاں عبداللہ طارق،واصف مظہر راں، چئیرمین پی ایچ اے اعجاز جنجوعہ، خالد جاوید وڑائچ، ایم ڈی پنجاب ہیلتھ فاﺅنڈیشن ڈاکٹر کرن خورشید اتے ٻئے شریک تھیے۔