جنیوا ۔23جنوری  (اے پی پی):امریکی دوا ساز کمپنی فائزر اتے جرمن دوا ساز کمپنی بائیو این ٹیک آئندے مہینے غریب ملکاں کوں گھٹ توں گھٹ 40ملین کورونا وائرس دی ویکسین بھیجیسن ۔ عالمی ادارہ صحت دی کوویکس اسکیم دے تحت ایں سال غریب ملکاں دی 20 فیصد آبادی کوں کورونا ویکسین ݙتی ویسی ۔ ڈبلیو ایچ او دے سربراہ ٹیڈروس ایڈہانوم گیبریاسس جمعہ 22 جنوری کوں جنیوا اچ پریس کانفرنس توں خطاب اچ آکھیے جو اقوام متحدہ دی ایجنسی کوویکس اسکیم دے ذریعے فائزر اتے بائیو این ٹیک دے نال غریب ملکاں کیتے40ملین ویکسین ݙیوݨ دا معاہدہ تھئے ۔