اسلام آباد۔22جنوری  (اے پی پی):وزیرِ اعظم عمران خان دی زیرِ صدارت راوی اربن ڈویلپمنٹ منصوبے،  سینٹرل بزنس ڈسٹرکٹ منصوبہ، والٹن ائیر پورٹ دی منتقلی اتے پنجاب دے چھوٹے شہراں دے آسے پاسے وزیر اعظم عمران خان دے ویژن دے تحت عوام کوں سستی رہائش دی فراہمی دے منصوبے دے حوالے نال پیشرفت تے جائزہ اجلاس منعقد تھیا۔ جمعہ کوں وزیر اعظم آفس دے میڈیا ونگ توں جاری بیان موجب اجلاس اچ معاون خصوصی ڈاکٹر شہباز گل، چیئرمین نیا پاکستان ہاؤسنگ اتھارٹی لیفٹینینٹ جنرل (ر) انور علی حیدر اتے سینیئر افسران شریک ہن۔ صوبائی وزیر خزانہ پنجاب مخدوم ہاشم جواں بخت، مشیر وزیرِ اعلی ٰپنجاب ڈاکٹر سلمان شاہ، معاون خصوصی وزیر اعلیٰ پنجاب ڈاکٹر فردوس عاشق اعوان، چیئرمین راوی اربن ڈویلپمنٹ اتھارٹی راشد عزیز اتے سینیئر افسران اجلاس اچ ویڈیو لنک دے ذریعے شرکت کیتی۔اجلاس کوں ݙسایا ڳیا جو راوی سٹی دے منصوبے اچ کنسلٹنٹس توں مذاکرات اتے ڈیزائن دے حوالے نال امور آخری مرحلے اچ داخل تھی ڳئن ۔ اجلاس کوں ویسٹ واٹر پلانٹ دے حوالے نال پیش رفت تے بریفنگ ݙتی ڳی تے ݙسایا ڳیا جو سرمایہ کاراں دی کانفرنس دے وختی انعقاد دے حوالے نال اقدامات کیتے ویندے پئن ۔ شرکاء کوں منصوبے کیتے زمین گھنݨ کیتے تھیوݨ آلی پیشرفت بارے ݙسایا ڳیا ۔سینٹرل بزنس ڈسٹرکٹ منصوبے اتے والٹن ائیر پورٹ دی منتقلی دے حوالے نال شرکاء کوں ݙسایا ڳیا ۔ وزیراعظم عمران خان منصوبے دی افادیت دے حوالے نال ذکر کریندے ہوئیں آکھیے جو لاہور دے عوام کیتے اے منصوبہ سماجی اتے معاشی لحاظ نال اہم اے ۔ منصوبے دی تکمیل توں عرصہ دراز توں غیر استعمال شدہ زمین تے معیاری تعمیرات نال نہ صرف معاشی سرگرمیاں اچ ودھارا تھیسی بلکہ روزگار دے مواقع وی ملسن اجلاس کوں صوبہ پنجاب دے چھوٹے شہراں دے آسے پاسے وزیراعظم دے ویژن دے تحت گھٹ آمدنی آلے طبقے کوں گھٹ لاگت دے گھراں دی تعمیر دے مجوزہ منصوبے دے حوالے نال بریفنگ ݙتی ڳی گھٹ لاگتی 3 توں 5 مرلہ گھراں دے اے منصوبے ابتدا اچ صوبہ دے  25 توں27 ضلعیں اچ ہوسن تے بعد اچ انہاں دا دائرہ کار 87 مختلف لوکیشنزتئیں ودھایا ویسی ۔