اسلام آباد۔24جنوری  (اے پی پی):وزیرِ اعظم عمران خان نال دیر اتے سوات توں تعلق رکھݨ آلے ارکان قومی اسمبلی اتوار کوں ملاقات کیتی تے اپݨے اپݨے حلقیں دے ترقیاتی منصوبیں تے تھیوݨ آلی پیشرفت تے ڳالھ مہاڑ کیتی ۔وزیراعظم نال ملاقات کرݨ آلیں اچ معاونِ خصوصی سیاسی امور ملک عامر ڈوگر، سلیم رحمان اتے بشیر خان شامل ہن ملاقات اچ دیر اچ امن و امان دی صورتحال تے ڳالھ مہاڑ کیتی ڳئی ۔رکنِ قومی اسمبلی بشیر خان وزیرِ اعظم کوں دیر اچ زیرِ تعمیر ڈیمزاچ مقامی آبادی کوں ترجیحی بنیاداں تے روزگار دے موقع ݙیوݨ تے بریفنگ ݙتی ۔ سلیم رحمان وزیرِ اعظم کوں سوات اچ  سیاحت دے ودھارے تے ایندے نال مقامی لوکاں دی معاشی حالت تے پووݨ آلے مثبت اثرات تے سوات اچ تعلیم تے صحت دے منصوبیں تے پیشرفت بارے ݙسایا ۔