اسلام آباد۔18جنوری  (اے پی پی):وزیرِ اعظم عمران خان نال وزیرِ اعلی گلگت بلتستان خالد خورشید  ملاقات کیتی۔ سنوار کوں تھیوݨ آلی ملاقات اچ پورے گلگت بلتستان کوں عالمی  معیار دا سیاحتی مقام بݨاوݨ بارے میگا پراجیکٹ تے تفصیلی ڳالھ مہاڑ کیتی ڳئی ۔وزیر اعظم کوں ݙسایا ڳیا جو منصوبے دے تحت گلگت بلتستان دے سارے شہر تے وستی دے علاقیں اچ ماسٹر پلان دے تحت نویں سروں تنظیمِ کیتی ویسی ۔مکاناں دے نقشے اتے انہاں دی جاہ ، ڳلیاں دا نظام، نکاسی آب اتے صاف پاݨی دی فراہمی دے نال نال مختلف جہیں تے سیاحواں دی سہولت کیتے بنیادی ضرورتاں دی فراہمی منصوبے وچ شامل اے ۔منصوبے اچ مقامی آبادی کوں معیاری تعلیم تے صحت سودھے بنیادی سہولتاں ترجیحی بنیاداں تے ݙتیاں ویسن ۔منصوبہ مقامی آبادی کیتے روزگار دے بے شمار موقع ݙیسی ۔منصوبہ گلگت بلتستان اچ سیاحت کوں ارباں ڈالر دی صنعت اچ بدالݨ دی صلاحیت رکھیندے ۔وزیرِاعظم مجوزہ منصوبے دی تعریف کریندے ہوئیں فروری اچ ایندی جامع حکمتِ عملی پیش کرݨ دی ہدایات ݙتن۔