نیویارک۔13جنوری (اے پی پی) پاکستان عالمی امن سانڳے نویں خطرات دا باعث بݨݨ آلے پرتشدد ہندوتوا ںظریے کوں روکݨ سانڳے ایکشن پلان دا مسودہ سلامتی کونسل اچ پیش کر ݙتے۔ دہشت گردی دے خلاف عالمی مہم اچ آپݨے کردار کوں اجاگر کریندیں ہوئیں  اقوام متحدہ اچ پاکستان دے مستقل مندوب منیر اکرم امریکہ اچ 11 ستمبر دے حملے دے بعد سلامتی کونسل ولوں منظور کیتی ڳئی قرارداد دے بعد 20 سالیں اچ دہشت گردی دے خاتمے سانڳے عالمی تعاون دے جائزہ بارے 15 رکنی سلامتی کونسل دے اجلاس اچ آکھیا جو تشدد دی حامی انتہا پسند گروپاں توں علاقائی اتے بین الاقوامی امن اتے سلامتی سانڳے خطرہ اے۔ انہاں سلامتی کونسل اچ جمع کرائے ڳئے ایکشن پلان دے مسودے اچ آکھیا جو سلامتی کونسل ٻئے دہشت گرد گروپاں وانڳوں انتہاپسند تنظیماں کوں وی کالعدم قرار ݙیوے کیونجو پرشتدد نسل پرست اتے انتہا پسند دہشت گردی ناگزیر طور تے تشدد کوں روکݨ اچ رکاوٹ پیسی اتے داعش اتے القاعدہ جیہی دہشت گرد تنظیماں دے نا انصافی، تشدد یا دہشت گردی دے بیانیہ پاروں ٻہوں خراب حالات دی توثیق کریسی۔ انہاں بھارت اچ فاشٹ گروہاں دی حکمرانی آلے پاسے توجہ ݙویندیں ہوئیں آکھیا جو بھارت دی حکمران جماعت بھارتیہ جنتا  پارٹی( بے جے پی) اتے اوندے سجے پاسے دی عسکریت پسند تنظیم آر ایس ایس دے ہندوتوا  دے  حامل پرتشدد انتہا پسند نظریے  تے عملدرآمد نال بھارت اچ 18کروڑ مسلماناں دی بقا کوں خطرہ اے ۔پاکستانی مندوب آکھیا جو دہشت گردی دی ہر صورت اتے دہشت گرد تنظیماں ولوں لاحق نویں خطرات پاروں ہر قسم دی دہشت گردی دے خاتمے سانڳے بین الاقوامی برادری دی حکمت عملی دے دائرہ کار کوں ودھاوݨ اتے تعاون کرݨا پمسی۔