اسلام آباد۔23جنوری  (اے پی پی):وفاقی وزیر اطلاعات ونشریات سینیٹر شبلی فراز آکھیے جو پی ڈی ایم تحریک نی رہی ، ایندی جان نکل چکی اے ، اپوزیشن ݙے صرف مایوسی ، ناکامی اتے ہزیمت باقی رہ ڳئی اے ،منتخب حکومت ݙھاوݨ دی خواہش رکھݨ آضے عوام دیاں نظراں اچ ڈھہہ ڳئن ،(ن) لیگی راہنما بوکھلاہٹ دا شکار ہن ۔ ہفتے کوں وفاقی سینیٹر شبلی فراز اپݨے ٹویٹ اچ آکھیے جو براڈ شیٹ معاملے این آر او دی سیاست کوں آشکار کیتے اے انہاں کیتے پانامہ 2 ثابت تھیسی۔ انہاں آکھیے جو عمران خان جݙاں غریباں کیتے کینسر ہسپتال اتے یونیورسٹیاں بݨیدا پیا ہئی تاں نواز شریف اتے آصف زرداری غریباں کوں لٹ تے ایون فیلڈ اتے سرے اچ محل تعمیر کریندے پئے ہن۔ لیگی رہنما کوڑ مار تے عوام کوں گمراہ نی کرسڳدے ۔انہاں آکھیے جو پختہ عزم اتے ثابت قدمی عمران خان دی سنڄاݨ اے ، قوم دا مال لٹݨ آلے قومی مجرماں کوں حساب ݙیوݨاں ہوسی ۔