اسلام آباد۔14جنوری(اے پی پی) صدر مملکت ڈاکٹر عارف علوی پاکستان اتے آذربائجان وچال تجارتی حجم ودھاوݨ اتے ثقافتی تے تجارتی تعاون کوں ٻیا ودھاوݨ دی لوڑھ تے زور ݙیندیں ہوئیں امید کیتی جو اسلام آباد اچ پاک ،آذربائیجان ،ترکی سہ فریقی مذاکرات نال سہ رخی تعلقات اتے برادر ملکاں وچال تعاون کوں ودھاوݨا پمسی۔ اے ڳالھیں انہاں آذربائیجان دے وزیر خارجہ جیہون بیراموف نال ڳالھ مہاڑ کریندیں ہوئیں آکھی جنہاں خمیس کوں اتھاں ایوان صدر اچ ملاقات کیتی۔ صدرمملکت آکھیا جو پاکستان آذبائیجان نال آپݨے تعلقات کوں قدر نال ݙیکھدے جیڑھے جو سانڄھے عقیدے،تاریخی اتے ثقافتی روابط ہن۔ صدر عارف علوی نگورنو کاراباخ دی آزادی تے آذربائیجان دی حکومت اتے عوام کوں مبارخ ݙتی۔ انہاں آکھیا جو پاکستان آذربائیجان دی علاقائی سالمیت دی حمایت کریندے۔ صدر مملکت آکھیا جو ݙوہیں ملکاں وچال تجاتی حجم ودھاوݨ اتے ثقافتی تے تجارتی تعاون کوں ٻیا ودھاوݨ دی لوڑھ تے زور ݙتا۔ ایں موقع تے آذری وزیرِ خارجہ نگورنو کاراباخ تے آذربائیجان دے موقف دی حمایت کرݨ تے پاکستان دا شکریہ ادا کیتا۔
