اسلام آباد۔13جنوری(اے پی پی) وزیراعظم عمران خان آکھیا جو اشرافیہ دی کرپشن پاکستان دی ترقی سانڳے ٻہوں خطرہ اے، اے استحصال کارڈ دے پچھوں نی لُک سڳدی، اشرافیہ این آر او دے ہتھکنڈیاں نال عوام کوں ڳھاٹے اچ رکھیے، پتہ کرݨ چاہندوں براڈشیٹ کوں ٻئی تحقیقات توں کئیں روکیے۔ بدھ کوں آپݨے ہک ٹویٹ اچ انہاں آکھیا جو پانامہ پیپرز اساݙے حکمران اشرافیہ دی کرپشن اتے منی لانڈرنگ کوں پہلے ای بے نقاب کیتے اتے ہݨ براڈشیٹ ہک واری ولا انہاں دی کرپشن اتے منی لانڈرنگ دا پردہ وݙے پیمانے تے چاک کیتے۔ کرپشن دے اے انکشافات اڄاں صرف شروع ہن، جݙاں اے اقتدار اچ امدن تاں لُٹ مار کریندن، ایں صورتحال اچ پاکستانی عوام ساریاں توں ودھ ہری پئی اے۔ میں کرپشن فری پاکستان دے خلاف آپݨی چووی سال دی جدوجہد کرینداں پیاں اتے اے کرپشن فری پاکستان سانڳے خطرہ اے۔ انہاں آکھیا جو اشرافیہ بعد اچ این آر او دا سہارا ڳھدے، این آر او ݙیوݨ نال نہ صرف قوم دی لُٹی ہوئی دولت جݙانجو اوندی واپسی سانڳے عوام دے ٹیکس توں ݙتے ڳئے پیسے وی ضائع تھین۔ انہاں آکھیا جو براڈ شیٹ نشابر کرے جو کہیں دے آکھݨ تے تحقیقات روکی ڳئن۔
