امریکہ دے نویں منتخب صدر جو بائیڈن اڄ 46 ویں صدر دی حیثیت نال عہدے دا حلف چیسن

 

واشنگٹن۔19جنوری  (اے پی پی):امریکہ دے نویں منتخب صدر جو بائیڈن اڄ بدھ کوں ملک دے 46 ویں صدر دی حیثیت نال آپدے عہدے دا حلف چیسن جݙاں جو صدر ڈونلڈ ٹرمپ اپݨی چار سالہ مدت پوری تھیوݨ دے بعد وائٹ ہاؤس چھوڑ ݙٰیسن ۔نویں صدر دے استقبال کیتے وائٹ ہاؤس اچ بھرپور تیاریاں کیتیاں ڳئن تے کہیں وی ناخوشگوار واقعے نال نمٹݨ کیتے سکیورٹی اہلکاراں دی ودھیک نفری تعینات اے ۔ ۔ وائٹ ہاؤس دے کئی جہیں کوں خاردار تاراں لاتے بند کرݙتا ڳے ۔نویں منتخب صدر دی حلف برداری کیتے غیر معمولی انتظامات کیتے ڳئن، نویں منتخب صدر جو بائیڈن اتے نائب صدر کاملا ہیرس کیپٹل کمپلیکس اچ حلف چیسن جیں دے آسے پاسے خار دار تاراں لاتیاں ڳئن ۔جوبائیڈن دی تقریبِ حلف برداری پریڈ کیتے ملٹری اتے میوزیکل بینڈ وائٹ ہاؤس دے سامݨے ریہرسل وی کیتی۔امریکہ اچ کورونا وائرس دے کیسز اچ ودھارے پاروں حلف برداری دی تقریب کوں محدود کیتا ڳئے ۔ملک دیاں ساریاں 50 ریاستاں اچ نویں صدر دے استقبال کیتے میوزیکل بینڈ اتے مختلف گروپس اپݨے فن دا مظاہرہ وی کریسن ۔