اسلام آباد۔23جنوری (اے پی پی):وزیرِ اعظم عمران خان آکھیے جو تریمت ارکانِ پارلیمنٹ اپݨے حلقیں دے مسائل کیتے بالعموم اتے تریمتاں دے مسئلیں دے حل کیتے خاص طور تے موثر کردار ادا کریندیاں پئن جیڑھی جو چنڳی ڳالھ اے۔ اے ڳالھ انہاں تریمت ارکان قومی اسمبلی نال ڳالھ مہاڑ کریندے ہوئیں آکھی اے ، جنہاں ہفتے کوں اتھاں وزیراعظم نال ملاقات کیتی ۔ملاقات کرݨ آلیاں تریمت ارکان اچ عاصمہ قدیر اتے غلام بی بی بھروانہ شامل ہن۔ملاقات اچ معاونِ خصوصی سیاسی امور ملک عامر ڈوگر وی موجود ہن ۔عاصمہ قدیر وزیرِ اعظم کوں سسٹین ایبل ہاؤس ہولڈ متعلق منصوبےبارے ݙسایا۔ منصوبے دے تحت کچن گارڈننگ تے چھوٹے پیمانے تے پولٹری دی مدد نال نہ صرف متوسط گھراݨے دیاں گھر دیاں ضرورتاں پوریاں تھیسن بلکہ انہاں توں روزگار وی کمایا ونڄ سڳسے ۔ مجوزہ منصوبہ نہ صرف گھٹ توں گھٹ کاربن فٹ پرنٹ دی وجہ توں ماحول دوست اے بلکہ کہیں وی گھر کوں آپݨے تئیں ہک سسٹین ایبل یونٹ بݨاوݨ دی صلاحیت رکھیندے ۔ایم این اے عاصمہ قدیر وزیرِ اعظم دے بلین ٹری سونامی دے مثبت نتائج تے وزیرِ اعظم کوں مبارخ ݙتی تے شجر کاری دے جاری اقدام بارے ݙسایا جیں اچ انہاں کوں این ایچ اے دا تعاون حاصل اے.غلام بی بی بھروانہ وزیرِ اعظم کوں جھنگ اچ جاری عوامی فلاح دے منصوبیں بارے ݙسیا ۔
