اسلام آباد۔22جنوری (اے پی پی):وزیراعظم دے مشیر پارلیمانی امور سینیٹر ڈاکٹر بابر اعوان آکھیے جو حکومت براڈ شیٹ معاملہ تے تحقیقات کیتے کمیٹی بݨاݙتی اے ، اساں ایں ملک اچ انہاں معاملات تے تحقیقات کیتیاں جنہاں کوں کوئی ہتھ لاوݨ توں وی ݙردا ہئی ۔ سینیٹ دے اجلاس اچ دوران عوامی اہمیت دے معاملہ تے ڳالھ کریندے ہوئیں سینیٹر جاوید عباسی آکھیا جو براڈ شیٹ دے حوالے نال بحث چلدی پئی اے میں تجویز ݙتی ہئی جو ایں معاملے تے پورے ایوان تے مشتمل کمیٹی بݨائی ونڄے میری تجویز منظور کرڳھدی ڳئی ہئی لیکن ہݨ حکومت خود ہک کمیٹٰی بݨائی اے جیڑھی جو ریٹائرڈ جج دی سربراہی وچ اے ۔ انہاں آکھیے پورے ایوان تے مشتمل کمیٹی بݨائی ونڄے جیڑھی معاملے دا جائزہ گھنے ۔سینیٹر ڈاکٹر بابر اعوان آکھیے جو براڈ شیٹ دے حوالے نال خوشیاں حکومت نی منائیاں ایندی تحقیق دا مطالبہ اپوزیشن کیتے، مشرف دور اچ کیویں این آر او ون اتے این آر او ٹو تھیا۔ ایں ملک اچ کھنڈ مافیا کوں کئی ہتھ لاوݨ دا سوچ نی سڳدا اساں اے وی کیتا ، براڈ شیٹ معاملے تے وی تحقیقات کیتے کمیٹٰی بݨاݙتی اے ۔
