ریاض۔11جنوری (اے پی پی) سعودی ولی عہد شہزادہ محمد بن سلمان جو نیوم کمپنی دی مجلس انتظامیہ دے چیئرمین وی ہن نیوم اچ کاربن فری ’ذالاین‘ شہر بݨاوݨ دا اعلان کیتے۔ اے مستقبل دے شہراں سانڳے ہک مثال ہوسی، نویں شہر قدرتی ماحول دوست ہون اتے ایں طرز تے وسائے ویسن۔ سعودی خبررساں ادارے ایس پی اے دے مطابق ’ذالاین‘ شہر 170 کلو میٹر دے رقبے اچ وسایا ویسی۔ اے شہر شور،ہنگامے اتے آلودگی توں پاک ہوسی۔ اے گاݙیاں اتے رش توں پاک ہوسی۔ اتھاں مصنوعی ذہانت دے سہارے معاشرے وسائے ویسن۔ ’ذا لاین‘ سعودی وژن 2030 دے اہداف کوں عملی جامہ پویسی۔
