گلگت ۔24جنوری (اے پی پی):صدر مملکت ڈاکٹر عارف علوی چار ݙینھ دا دورہ کرݨ گلگت پڄ ڳئن ، جتھاں او نیشنل سکی چیمپئن شپ دی اختتامی تقریب اچ شرکت کیتے گلگت دے سیاحتی مقام نلتر چلے ڳئن ۔صدر مملکت خصوصی پرواز توں گلگت پڄے تاں ایئرپورٹ تے گورنر گلگت بلتستان راجہ جلال حسین مقپون، وزیر اعلٰی خالد خورشید خان، کمانڈر فورس کمانڈ شمالی علاقہ جات میجر جنرل جواد احمد قاضی، چیف سیکریٹری خرم آغا، آئی جی ڈاکٹر مجیب الرحمن سودھی ٻئے اعلی حکام استقبال کیتا ،بعد اچ صدرڈاکٹرعارف علوی نلتر روانہ تھئے انہاں قومی سکی چیمپئن شپ دی اختتامی تقریب اچ بطور مہمان خصوصی شرکت کیتی۔صدر عارف علوی اپݨے دورے اچ صوبائی اسمبلی دے ارکان نال ملاقات کریسن ۔حکومت گلگت بلتستان ولوں صوبے دی تعمیر و ترقی دے حوالے نال وی تفصیلی بریفنگ ݙتی ویسی ۔
