اسلام آباد۔2جنوری(اے پی پی) عمر علی خان بلوچ دی یاد اچ نویں سال دے پہلے ݙینھ پاکستان یوتھ لیگ ملتان ولوں مشاعرہ تھیا۔ مشاعرہ دی قتریب ایس پی او، 340 ڈی شاہ رکن عالم کالونی ملتان اچ تھئی۔ تقریب دی صدارت معروف دانشور ادیب محقق نقاداتے شاعر پروفیسر ڈاکٹر محمد امین کیتی۔ اسسٹنٹ اٹارنی ایڈووکیٹ وسیم ممتاز، معروف اعر اتے ادیب رضی الدین رضی اتےجدید لہجے دے شاعر قمر رضا شہزاد خصوصی مزمان ہن۔ تقریب دی نظامت پروفیسر اشرف جاوید ملک کیتی۔ محترمہ نبیلہ لیاقت کلام پاک دی تلاوت دی سعادت حاصل کیتی۔ ایس پی او، ملتان دے ریجنل کوارڈینیٹر شاہنواز خان طبہ استقبالیہ پیش کیتا۔ تقریب اچ احمد ،فہیم ممتاز، قمر کیانی،عباس ملک،ڈاکٹر مقبول گیلانی، ,اشرف جاوید ملک ,مخدوم اکبر ہاشمی،نوازش علی ندیم، ایڈوکیٹ،رضی الدین رضی،قمر رضا شہزاد، اور ڈاکٹر محمدامین آپݨا کلام پڑھ کراہیں سݨایا۔تقریب اچ، شہزادی نعیم،آمنہ منظور، محمداحمد،عاصم رحمان مغل، ڈاکٹر یاسمین تبسم ، اظہر سلیم مجوکہ ،فرخ ان،نبیلہ انصاری،پروفیسر محمداعظم،محترمہ رضوانہ شرکت کیتی۔ متازکالم نگار،دانشور اظہرسلیم مجوکہ اتے عنبرین عمر بلوچ تقریب نال خطاب کیتا۔ عنبرین عمر بلوچ آکھیا جو میں آپݨے بابا عمر علی خان بوچ ایڈوکیٹ دے مشن تے عمل کریندی پئی آں۔ تقریب دے چھیکڑ اچ تقریب دے منتظم شاہنواز خان ریجنل کوارڈینیٹر ایس پی او، ملتان اتے تقریب دی روحِ رواں عنبرین عمر علی بلوچ مزماناں دا شکریہ ادا کیتا۔
