ملک اچ احساس پروگرام کیتے 65 فیصد سروے مکمل کرڳھدے، وزیر اعظم دی معاون خصوصی ثانیہ نشتر

اسلام آباد۔25جنوری(اے پی پی)معاون خصوصی ثانیہ نشتر آکھیے جو ملک اچ احساس پروگرام کیتے 65 فیصد سروے مکمل کرڳھدا ڳئے جیندے بنیاد تے سارا کم تھیندے، حکومت سروے دی بنیاد تے کوئی معاوضہ نئیں ڳھندی پئی، اے سارا عمل ڈیجیٹل اے، جیکر کوئی فارم ونݙݨ آوے تاں اوندے نال نہ الایا ونڄے۔ اے ڳالھ وزیر اعظم دی معاون خصوصی ڈاکٹر ثانیہ نشتر مردان اچ پریس کانفرنس اچ آکھی جو کے پی اچ 45 فی صد سروے مکمل تھی ڳئے،بغیر کہیں ونڄھ دے چلݨ آلے ایں پروگرام نال مستحقِ لوکاں کوں فیدہ تھیسی۔ انہاں آکھیا جو احساس پروگرام نال وومن یونیورسٹی اچ 124 چھوہریں کوں سکالرشپ ملی اے، فروری توں لوکاں کوں امدادی پیکیج ملݨ شروع تھی ویسی۔ ڈاکٹر ثانیہ نشتر آکھیا جو احساس پروگرام سروے دے تحت وسیلہ تعلیم، احساس کفالت، احساس آمدن شامل ہین اتے جون دے چھیکر اچ اے سروے مکمل تھی ویسی۔