وزیراعظم عمران خان نال صوابی توں تعلق رکھݨ آلے ارکان پارلیمنٹ  دی ملاقات

 

اسلام آباد۔22جنوری  (اے پی پی):وزیراعظم عمران خان آکھیے جو عوام کوں ریلیف دی فراہمی حکومت دی اولین ترجیح اے، عوامی نمائندیں کوں اپݨے حلقہ دے لوکاں دی فلاح کیتے قانون ساز اسمبلیاں اچ آواز چاتے مثبت کردار ادا کرݨاں چاہیدے ۔ اے ڳالھ انہاں صوابی توں تعلق رکھݨ آلے ارکان پارلیمنٹ نال ڳالھ مہاڑ کریندے ہوئیں آکھی اے جنہاں جمعے کوں اتھاں انہاں نال ملاقات کیتی ۔ ملاقات اچ سینیٹر لیاقت ترکئی، ایم این اے عثمان خان ترکئی، صوبائی وزیر شہرام ترکئی، ایم پی اے محمد علی ترکئی اتے معاونِ خصوصی سیاسی امور ملک عامر ڈوگر وی موجود ہن ۔ ایں موقع تے صوابی اچ جاری میگا پراجیکٹس تے تبادلہ خیال کیتا ڳیا ۔ ایندے علاوہ شرکاء وزیرِ اعظم کوں حلقے دے مسائل اتے انہاں دے حل کیتے چاوݨ آلے اقدامات بارے ݙسایا ۔ وزیرِ اعظم آکھیے جو عوام کوں ریلیف ݙیوݨ حکومت دی اولین ترجیح اے ۔